Ël Sol ëd J'Alp Ël Sol ëd J'Alp
  • Cors ёd Piemontèis

    Ël Sol ëd j’Alp, fin-a dal 1991, a l’ha ancaminà a organissé e a smon-e cors ëd lenga, stòria e tradission dël Piemont. Vist che a j’era pà d’esempi d’andé daré, fòra vìa dl’ëscòla dël professor Milo Bré, l’associassion a l’ha daje l’andi a un-a sperimentassion didàtica për fé an manera d’ausiné le përson-e a un discors ëd manteniment ëd nòssa lenga e ëd nòssa identità.

     

    Con ël passè ëd j’agn e con l’esperiensa maruà, la propòsta a l’è andà anans mijorandse e slargantse mersì fin-a ji contribut ëd la Region Piemont e ëd la Provinsa ëd Bièla.

     

    Giusta për sòn, i memorioma l’amportant contribut rivà ant ël 2000 dla Fondazione Cassa di Risparmio di Biella, che a l’ha dane la possibilità ëd fè seurte la gramàtica dël “Piemontèis ëd Biela”: ël prim test che a marcava tanme arlevanta e dëgna ëd considerassion fin-a na variant local dël piemontèis.

     

    Ancaminand dl’ann 2005, ëdnans dël travaj fàit, la Region Piemont (Assessorà a la Coltura) a l’ha confidà a nòssa associassion l’incàrich Regional për la “Tùa e la Valorisassion dël Patrimoni Lenghistich”.

     

    Mersì a sòn e con l’agiut ëd magistre abilità e preparà travers ij nòss cors ëd formassion, i soma ëstàit an grè a porté l’insëgnament dël piemontèis an quaich ëscòla dl’infanssia, dla primaria e dla secondaria ëd prim e scond gré ant le provinse ëd Biela, Vërsej, Noara, Turin, Coni e ant ël Verban.

     

    Ant ël 2007, an colaborassion con la Diression Didatica d’Andorn (provinsa ëd Biela), i l’oma butà sù un Pòlo ëd lenga Piemontesa ant l’Istitù Comprensiv d’Andorn; che a ciapa andrinta tute j’ëscòle dl’infansia e le primarie dle comun-e d’Andorn, Sajan, Tavian, Miajan, Pralongh, Tolëgn e Campija.

     

    An costa atività-sì a ven anfilà un concors anual për j’ëscòle dzora argoment gropà a la lenga e a la coltura dël Piemont; le premiassion a son fàite arlongh la Festa dl’associassion, ant ël mèis ëd magg/giugn.

     

    An pù, minca ann, a ven-o anviarà ëd cors ëd formassion për ansëgnant, cors avansà për ij pù bulo e d’àutri ëd carater divolgativ për tute le përson-e anteressà a conòsse e amprende la lenga e la coltura piemontèisa.

  • Corsi di Piemontese

    Ël Sol ëd j’Alp, fin dal 1991, ha iniziato a organizzare e proporre corsi di lingua, storia e tradizioni del Piemonte. Non essendoci in quegli anni esempi da seguire, tranne la scuola del professor Camillo Brero, l’associazione avviò una sperimentazione didattica volta ad avvicinare le persone a un discorso di mantenimento e di recupero della nostra lingua e della nostra identità.

     

    Col passare degli anni e con l’esperienza maturata, la proposta é andata via via migliorandosi e ampliandosi grazie anche ai contributi della Regione Piemonte e della Provincia di Biella.

     

    A tal proposito, vorremmo ricordare l’importante contributo ricevuto nel 2000 dalla Fondazione Cassa di Risparmio di Biella, che ha permesso la pubblicazione della grammatica “Piemontèis ëd Biela”: il primo testo che riconosceva come rilevante e degna di attenzione anche una variante locale del piemontese.

     

    A partire dall’anno 2005, a fronte del lavoro prodotto, la Regione Piemonte (Assessorato alla Cultura) ha concesso alla nostra associazione il contributo specifico per la “Tutela e la Valorizzazione del Patrimonio Linguistico”.

     

    Grazie a ciò e con l’ausilio di insegnanti abilitati e preparati attraverso i nostri corsi di formazione, siamo riusciti a portare l’insegnamento del piemontese in alcune scuole dell’Infanzia, Primarie e Secondarie di primo e secondo grado nelle province di Biella, Vercelli, Novara, Torino, Cuneo e Verbania.

     

    Nel 2007, in collaborazione con la direzione didattica di Andorno, abbiamo creato un Polo di Lingua piemontese nell’Istituto Comprensivo di Andorno Micca (provincia di Biella); esso comprende tutte le scuole dell’Infanzia e Primarie dei comuni di Andorno, Sagliano, Tavigliano, Miagliano, Pralungo, Tollegno e Campiglia Cervo.

     

    Nell’ambito di questa attività si inserisce annualmente un concorso per le scuole su temi legati alla lingua e alla cultura del Piemonte; la premiazione dei vincitori avviene durante la Festa dell’associazione, nel mese di maggio.

    Ogni anno vengono inoltre attivati corsi di formazione per insegnanti, corsi avanzati per coloro che sono già abilitati ed altri di carattere divulgativo per chiunque si interessi allo studio della lingua e della cultura piemontese.

Top